GALIT na galit si Hedvig nang pagdating nila sa lugar kung saan sana sila magkikita ng mga White Kampflens para sa nakatakda nilang giyera ay wala ang mga ito. Kaagad siyang nagpautos sa mga disciple niya na alamin kung bakit.
"Inuurong na raw ng mga White Kampflens ang pakikipaglaban sa'tin, Domn," pagbabalita ni Belgor. "Hindi pa raw ito ang tamang oras ng pagtatagpo n'yo."
Nagngangalit ang ngipin na tinadyakan ni Hedvig ang malaking bato na nasa harapan niya. Sa sobrang lakas ay nadurog iyon. "Mga duwag! Mga walang isang salita!"
Kung puwede lang sana niyang sugurin ang Reinne, ang palasyo ng mga White Kampflen. Pero malabo iyong mangyari. Dahil isa iyong invisible palace na walang ibang nakakakita. Puwera na lang kapag binigyan ng access ng mga ito.
"Huwag kang mag-alala, Domn,"
