"HOW are you, mahal? Siguro nakukulitan ka na sa'kin, 'no? Kasi halos araw-araw kitang kinukumusta. Pasensiya ka na, mahal. Tumutupad lang po sa pangako "
Maaliwalas ang mukhang lumuhod si Michelle sa harap ng puntod ni Noah. It's been five years simula nang mamatay ito. Pero parang bago lang iyon. Malinis at maayos pa. Paanong hindi? Kung araw-araw iyong dinadalaw ni Michelle.
"Sana, self, okay ka lang diyan."
Muntik nang matawa si Michelle nang biglang magsalita ang katabi niyang si Hedvig, at ngayo'y asawa na niya. Mahigit isang taon na rin silang kasal at biniyayaan sila ng isang anak. Alam na rin ni Michelle ang sikreto sa hindi pagtanda ni Hedvig. At kung bakit sila hindi ikinasal sa simbahan. Kung bakit katulad ni Noah ay "allergic" din ito sa anumang banal na bagay.
Pagkatap
