BAGO bumuka ang liwanag ay nakabalik na sina Hedvig sa mansiyon ni Scottie at naibalik na niya ang kaluluwa nito sa katawan nito. Halos sabay itong nagising at ang mga katulong. Katulad nang madalas mangyari ay takang-taka ang mga ito nang magising.
Siguradong iniisip nila kung tungkol saan ba ang panaginip nilang iyon. At kung sino-sino ang nakita nila na hindi naman kilala.
Ipinagkibit-balikat lang iyon ni Hedvig at saka nilisan na ang Taregat para bumalik sa La Mashon, kasama ang anim na mga kampon. Kailangan nilang maghanda para sa paglusob nila sa Caprasar--ang mundo ng mga Kudaran. At si Hedvig ang itinalaga ni Lucifer bilang heneral na mamuo sa pagsalakay. Kailangan niyang matalo ang mga ito bago siya payagan ni Lucifer na lusubin ang mga White Kampflen. Iyon daw ang isa sa paraa
