NAPAIGIK si Hedvig habang pumapasok sa Takka's house. Sagrado kasi ang lugar na iyon. Bukod tanging mga Witches at tao lang ang puwedeng pumasok doon. Sino mang magtatangkang pumasok ay masasaktan nang sobra at posibleng hindi na makalabas ng buhay. Gaano man ito kalakas.
Ngunit kailangan iyong tiisin ni Hedvig para makausap ang kaluluwa ni Angela. Mayamaya lang kasi ay ibabalik na iyon ni Monica sa katawan ni Michelle. Bagaman at tuluyan nang sumuko ang kaluluwa ng totoong Michelle, at sumuko na sa liwanag, may posibilidad daw na hindi na bumalik ang alaala ni Angela. Baka raw tuluyan na iyong mabaon sa nakaraan.
Kaya gusto itong kausapin ni Hedvig para masabi niya ang lahat ng gusto niyang sabihin.
Ikinuyom ni Hedvig ang mga kamay habang namimilipit sa sakit. Kaunting-kaunti na lang a
