DOBLE ang pagkadurog ng puso ni Angela nang madatnan niya si Hedvig na nakakulong sa kuwarto nila. Pawis na pawis at nanginginig ang katawan. Nanlalalim at nangingitim na ang paligid ng mga mata. Namumula na rin ang balat na senyales nang pagkasunog.
Sa palibot ng kuwarto ay may nakalagay na mga holy objects katulad ng kahoy na cross, Bible, rosary, at holy water. Sandamakmak na wolfsbane din ang nakakalat sa paligid. Bukod doon ay pinalibutan pa niya ng protection spell ang buong kuwarto. Iyon kasi ang request ni Hevig sa tuwing nararamdaman nito na sinasapian na ni Aamon. Madalas nila iyong gawin sa kalaliman ng gabi. Para hindi na makapanakit pa ang kaniyang asawa.
Pinakiramdaman muna ni Angela kung nasa katinuan ba ang kaniyang asawa. Ang bilin kasi nito, huwag daw siyang magpakita
