"Ang sabi ng isang quote, 'SUNSET is the hope for a new sunrise'. Pinapaala nito sa'tin na ang buhay ay hindi nagtatapos sa simpleng paglubog ng araw..."
Binalingan ni Noah ang nobya na kasama niyang naglalakad-lakad sa tabing-dagat. Magkahawak-kamay sila habang sabay na pinapanood ang unti-unting pagtakip ng dilim sa liwanag ng araw. "Upo muna tayo, mahal. Baka napagod ka na. Ang layo na rin ng nilakad natin, o." Nilinga niya ang pinanggalingan. Halos hindi na niya matanaw ang cottage nila.
"Sige, mahal. Doon tayo, o." Itinuro ni Michelle ang maliit na kubo na eksaktong nasisikatan ng araw na pawala na.
Dahil bulok-bulok na ang upuan na yari sa kawayan kaya hinubad ni Noah ang suot na T-shirt at inilatag iyon sa buhangin para upuan nila. Pagkatapos ay nauna siyang umupo. Hinawakan ni
