Inis niyang binagsak pasara ang pintuan ng silid nang makapasok na siya. Tapos na kasi silang mag-usap ni Elijah at ngayon makakauwi na siya. Walang magbabago sa plano niya na kasuhan si Elijah ng r*pe. Hindi siya naniniwala na wala itong kinalaman sa nangyari sa kanya ngayon. Tiyak na nakipagsabwatan ito sa Kuya Joseph niya para mapagsamantalaan na naman siya. Kung anu-ano pa ang mga sinasabi nito sa kanya alam naman niyang nililito lang siya nito para isipin niya na wala itong kasalanan sa mga nangyayari sa kanya. Oo nakita niyang may inilagay sa inumin niya ang Kuya Joseph niya, kaya kasabwat ito talaga pati na si Missy, pero si Elijah pa rin ang nanamantala sa kanya, kaya dapat lang na kasuhan niya ito.
Mabilis na siyang nagbihis para makaalis na kung saan man lugar siya naroon, at ng
