Muli silang ikinasal ni Elijah sa simbahan ng San Miguel kung saan naroon lahat ang kanilang mga pamilya at kaibigan. Hindi na nga niya inasahan na ikakasal siyang muli kay Elijah sapat na sapat na sa kanya ang unang kasal nila nito sa New York. Buti na rin at naikasal sila ni Elijah na hindi pa gaanong malaki ang kanyang tiyan, kaya naisuot pa niya ng maayos ang kanyang napakagandang gown na pinagawa pa ng Mama ni Elijah sa New York.
Sa kanilang engrandeng kasal napakasaya ng kanilang mga magulang lalo na ang Mommy niya na kasundong-kasundo ang kanyang biyenan. Masaya siyang makitang magkakasundo ang lahat at lumaki ang kanyang pamilya. Nagpapasalamat rin siyang nagbago na ng tuluyan ang Papa ni Elijah at tanggap na talaga siya bilang asawa ni Elijah. Iyon naman talaga ang importante sa
