Third Person
Isang linggo ang lumipas simula noong lisanin nila Felix, Frank at Mia ang Isla. Nagtungo naman sila sa isang probinsiya at pansamantalang nakituloy sa bahay ng isang kaibigan.
Isang linggo na ring nananahimik si Mia sa isang tabi at palaging tulala. Malimit din itong maabutan ni Felix na umiiyak sa kanyang silid. At maging sa pagtulog nito ay pangalang Andrei ang palagi nitong binibigkas.
"I warned you before, don't ever fall for her," ani Frank sa kuya niya nang maabutan niya itong nakatulala sa labas ng bahay at nakatanaw sa mabituing kalangitan.
Hatinggabi na naman ngunit hindi pa rin sila dalawin ng antok at pinipili palaging tumanaw sa langit katulad na rin nang palagi nilang ginagawa.
Tanging paghinga lang ng malalim ang natanggap ni Frank mula sa nakatatanda niy
