Shantal Mia
"Good morning, Ma'am!" nakangiti at masigla kong bati sa isa sa mga empleyadong naririto sa HR.
"Morning," walang kangiti-ngiti niyang bati din naman habang abala siya sa pagkuskos ng red lipstick sa labi niyang napakapula na at nakatunghay siya sa salaming nakapatong sa ibabaw ng mesa niya.
Ang kilay naman niya ay parang ginuhit na lamang ng lapis at wala ng kabuhok-buhok. Bakit ba binubunot nilang lahat tapos ay kukulayan din naman ng eye liner? Mabuti na lang talaga at pinagpala ako ng makapal at magandang linya ng kilay. Hindi ko na kailangan pang peke-in.
"Ahm, i-ibibigay ko lang po itong excuse letter ko, Ma'am. A-Absent po ako kahapon," alanganin kong sabi kasabay nang paglapit ko sa mesa niya at inilapag sa harapan niya ang excuse letter kong dala.
Napalingon din
