"Daddy! Mom!" masayang bati ko sa kanila pagpasok namin ni Liam dito sa loob ng dining room habang hawak ko ang kanyang kamay.
Napa-angat naman ng mukha si Daddy mula sa kanyang pagbabasa ng tabloid sa mesa at napanganga habang nakatunghay kay Liam.
"Good evening sweet-oh my God." Maging si Mommy ay napanganga din habang nakatitig kay Liam.
Suot niya ang isang apron at nabitawan pa ang hawak niyang tray na lumikha ng ingay dito sa buong dining room. Mabuti na lang at wala itong laman dahil animo ay nagulat sila sa lalaking nasa kanilang harapan.
Lumapit ako sa kanila at humalik sa kanilang mga pisngi pero tila wala ako dito sa kanilang harapan dahil ang pansin nila ay nakatuon lang kay Liam.
"Mom, Dad, si Liam po, boyfriend ko."
"Good evening Ma'am, Sir," pormal na bati naman ni Li
