Halos lumuwa na ang mga mata ni Jarra at mabilis pa sa alas -kwatrong tumayo nang makita kung sino ang kanyang nadaganan. Si Vaughn Alegre lang naman iyon.
“Aray,” daing niya at napahawak sa kanyang ulo. Nabigla yata siya sa pagtayo kaya medyo nakaramdam siya ng pagkahilo. Mabilis na tumayo rin naman si Vaughn at lumapit sa kanya.
“Hey, hey, are you alright?” dalo nito sa kanya.
Nakagat niya ang labi at mariing naipikit ang mga mata. “Uhmm n-nahilo lang a-ako…” Bahagya pa siyang napatalon nang maramdaman niya ang paghawak nito sa kanyang bewang.
"Come here, doon tayo sa may couch," anito at marahan siyang iginiya paalis ng dance floor. Hindi na siya nagreklamo pa dahil sobrang dumagsa na ang mga tao roon sa dance floor.
Naupo sila ni Vaughn sa isang couch. Narinig niya pa itong
