Gusto na lang ni Jarra ang lamunin ng lupa nang tuluyan na nga silang iwan ng mga magulang niya at ng ama ni Vaughn. May pa-excuse pa ang mga ito na may titingnan sa buffet, e, halata naman niyang gusto ng mga itong mapag-isa sila ni Vaughn doon.
Halos hindi na nga siya gumalaw sa kanyang kinauupuan dahil sa sobrang kahihiyan. Idagdag pang ramdam na ramdam niya ang mga tingin ni Vaughn sa kanya. Hindi nga yata kumain ang lalaki at nakatingin lang sa kanya.
Hindi na niya alam ang gagawin tuloy. Busog na busog na siya at wala na rin namang pagkain sa kanyang plato, alangan namang kumain pa rin siya.
Hindi na niya mabilang kung makailang beses na siyang lumunok. Bahagyang nakatakip pa ang kanyang isang kamay sa kanyang mukha para hindi niya makita ang lalaking nasa kanyang tapat. Ang is
