“Please, order what you want. It’s on me. Hindi pa rin mawala ang ngiti ng lalaki habang sinasabi iyon.
Tipid na tango lang ang isinagot ni Jarra rito bago muling ibinaling ang tingin sa menu, Nasa isang lamesa na siya kasama si Atty. Hottie at si Talia. Gusto niyang mapa-face palm na lang habang nakatingin sa kanyang magaling na kaibigan na hindi mawala ang ngiti sa mukha.
“Nako, Attorney, okay lang ba talaga kahit ano? Nakakahiya naman.”
Napairap na lang si Jarra nang marinig ang pabebeng boses ng kanyang kaibigan. Narinig niya pang humalakhak ang lalaki at nagdekwatro ng upo.
“Just call me Vaughn,” preskong sabi nito habang nakakuros ang mga braso at nakatingin sa kanila.
Muntik na siyang umismid sa kayabangan nito. Napailing na lamang siya rito.
“Cake na lang sa akin,” aniya a
