Hinintay muna niya na makapasok sa loob ng bahay si Alondra. Baka kasi mahalata nito na nasalubong niya ang Jeffrey na iyon.
Halos maikuyom niya ang kanyang kamao sa sobrang galit dahil sa ginawa ni Alondra. Talagang may gana pa ang babae na ito na papuntahin ang first love nito sa kanyang bahay.
Baka nga nag-usap ang dalawa habang wala siya, baka may plano na ng mga ito na ipagpatuloy na ang naudlot na relasyon ng dalawa.
Sa naisip lalong nagpuyos sa galit ang kanyang puso, parang gusto niyang manakit. Parang gusto niyang habulin ang lalaki na iyon at bugbugin.
Sabihin dito na wala itong karapatan na magtungo pa sa kanyang bahay dahil may asawa na si Alondra.
Pero biglang kabig ng kanyang isipan. Napaisip siya na may karapatan nga ba siya kay Alondra? Ngayon kasing bumalik na an
