Ilan buwan pa ang matuling lumipas.
"Hmmm... ang sarap mo talaga manang magtimpla ng tsaa!" Bulalas niya habang iniinom ang tsaang si Manang Connie mismo ang gumawa.
"Ay sus, nambola pa ang batang ito." Natatawang wika naman ng matanda.
Natawa na lamang din si Alondra habang hinihimas ang malaki na niyang tiyan.
“Kay bilis ng panahon Manang Connie ano? Parang kailan lang impis pa itong tiyan ko, ngayon kabuwanan ko na. Sana lang kapag nanganak na ako nasa tabi ko man lamang si Mama. Kaya lang imposible pong mangyari eh, kasi 5 years pa yata po bago makalaya sina Mama at Papa pero okay lang po iyon atleast napagbayaran nila ang kanilang mga kasalanan.” Wika ni Alondra habang umiinom siya ng tsaa, hapon noon at nasa terrace silang dalawa ni manang Connie nagmemeryenda.
“Oo nga, ang
