Isang linggo ang matuling lumipas.
Naging maayos naman ang pagsasama nilang dalawa ng kanyang Uncle Hendrick, hindi na rin ito magagambala sa kanyang pagtulog dahil bumili na rin siya ng kutson para doon siya matulog. Ito naman ang matutulog sa kama dahil lagi nga siyang nahuhulog.
Naipaliwanag na rin niya dito na maaari itong matulog sa kanyang silid pero hanggang doon lamang iyon. Ayaw lang kasi niya na makaperwisyo pa sila ng ibang tao. Yun bang mawalan ng trabaho si manang kapag hindi nito sinunod ang utos ng kanyang mama.
Naging maayos naman ang lahat at kahit papaano ay masaya naman siya na kasama ang kanyang Uncle lalo pa at malaki na nga ang pagbabago nito.
Palagi na siya nitong kinakausap, nakikipagbiruan din ito sa kanya at kadalasan kapag nalulungkot siya'y pinapatawa
