Nang matapos ang P.E namin ay kaagad akong nagtungo sa banyo para magpalit ng uniform. Pumasok ako sa isa sa mga cubicle sa pinaka-dulo at isa-isa ko namang hinubad ang suot kong P.E uniform. Wala masyadong gumagamit ng banyo rito sa third floor dahil kinatatakutan ito ng ibang mga estudyante dahil meron daw nagpapakita rito. Hindi naman ako naniniwala ro’n dahil kadalasan ay dito ako nagbabanyo kapag ayokong makisabay sa ibang mga estudyante na parati na lang akong pinag-uusapan kapag nakikita nila ako.
Narinig ko naman na bumukas ang pinto at wari ko’y mag-isa lamang ito. Pinagpatuloy ko ang ginagawa ko at ilang sandali pa ay narinig ko na tila may kausap ito. Hindi ako maaaring magkamali, kilala ko ang boses niya. Nanatili pa rin ako sa loob at pinakikinggan ang bawat katagang binitaw
