DAHIL nga sa nangyaring iyon kay Saber, ay napagpasyahan na niya munang ang kanyang mga ilusyon na sina Haze at Mad ang magmatyag sa Maynila. Gusto nga lang niyang makaharap ng mga iyon ang sinuman sa Eternity, at ito ay upang malaman niya kung hanggang saan na nga ba ang lebel ng kapangyarihan ng mga ito.
Kinabukasan nga ay plano sana ni Mang Kaloy na magkaroon ng pagpupulong, kasama ng iba pa na nagmamay-ari ng medalyon… para sana pag-usapan ang nangyari kay Saber, kaso, sabi ng binata ay sa isang araw na muna. Gusto ng binata na magpahinga nang mabuti ang mga ito, kaya nga tinawagan na lang ni Mang Kaloy ang mga kasamahan niya para lang sabihing nasa mabuting kalagayan ang binata. Ipinaalam na niya rin sa mga ito ang totoo.
“Dito na lang muna tayo sa bahay… Wala naman tayong ibang pup
