… KAI’s POV …
Kanina pa ako naghihintay sa paglabas na naman nina Miss Sophia at Sir Philip sa condo. Kagabi kasi ay hindi ko sila nakuhanan ng larawan dahil sa pagkabigla ko. Huli na nang ilabas ko ang cell phone ko dahil umalis na sila. Nakasakay na si Sir Philip sa kotse ni Miss Sophia nang balikan ko sila ng tingin.
Bumalik lang ulit ako ngayon upang makipagsapalaran ulit na makakuha ng larawan nila bilang ebidensya kung sakaling itutuloy ni Miss Sophia ang demanda laban sa akin. Iba-blackmail ko sa kanya ang nalalaman ko. Kung tuso siya ay tuso rin ako.
Naningkit ang mga mata ko sa na-imagine kong hitsura niya oras na isasampal ko sa pagmumukha niya ang alas ko laban sa kanya kung sakali.
Nga lang ay mukhang hindi pa ito ang araw na mukuha ko ang ninanais ko na suwerte dahil
