"TALAGA Ate? Sa'tin na uli ang mansion na ito?" hindi makapaniwalang sabay na tanong nina Zhang at Qui nang makarating sila sa loob ng dati nilang tirahan.
Nakangiting tumango si Zoe, nakahawak siya sa wheelchair ng ina. "At hindi lang 'yan. Pati na rin lahat ng properties ni Daddy na napunta noon kay Lawrence ay sa'tin na rin uli."
"Oh, my God!" Napatutop sa bibig si Zhang habang namumula ang mga mata. "Totoo, Ate?"
"Hindi na pag-aari ng mga Montemayor, Ate?" Bakas din ang kasiyahan sa mukha ni Qui.
Batid ni Zoe na matagal bago mapaniwalaan ng kaniyang mga kapatid na naibalik na ang mga bagay na dapat ay para sa kanila. Dahil ganoon din siya nang una iyong sabihin sa kaniya ni Ethan. Na pumayag na raw si Justin para alisin sa property ng mga Montemayor ang lahat ng mga ari-arian ng
