"BABE, saan ba talaga tayo pupunta?" nakakunot ang noong tanong ni Zoe kay Ethan. Lulan sila ng Limousine nito. Galing sila sa simbahan dahil sa katatapos lang nilang kasal. Suot-suot pa niya ang kaniyang bridal gown. "Akala ko ba sa Paris tayo dahil gagamitin natin ang ticket na ibinigay ni Mommy for our honeymoon."
"Malalaman mo rin mamaya, baby. So relax ka lang diyan, okay?" nakangiting tugon ni Ethan. Sinasabayan nito ang love song na isinalang nito sa loob ng sasakyan.
Napangiti si Zoe. Alam kasi niya na para talaga sa kaniya ang kantang iyon. Madalas iyon na kantahin ni Ethan kapag magkasama silang dalawa. "Sagot po ang kailangan ko, hindi kanta," kunwa'y reklamo niya.
"Later, baby. Malapit mo nang malaman." Kinindatan siya ng asawa at itinuloy ang pagkanta.
Nangingislap ang mg
