"KUNG nasaan man ngayon ang Daddy mo, siguradong tuwang-tuwa siya dahil magkakaapo na kami ng kambal."
Napangiti si Zoe nang haplusin ni Mommy Dahlia ang kaniyang malaking tiyan. Kagagaling lang nila sa ospital para sa monthly checkup niya at kabuwanan na niya ngayon. Ang gusto nga sana ni Ethan ay sa bahay na lang siya che-checkup-in ng OB-GYNE para hindi na siya mahirapang magbiyahe. Pero mas gusto pa rin ng dalaga na maranasan ang maging normal na buntis.
Bukod sa kaniyang ina, may limang bodyguards silang kasama sa Armored Limousine. Bukod doon ang driver na isa rin sa mga bantay nila. Si Nicolo ang nag-suggest kay Ethan na ganoong klase ng sasakyan ang bilhin nila para sa kanilang proteksiyon kapag lalabas sila ng bahay.
"Sayang lang po dahil wala na si Daddy para makita ang mga a
