ANG buong akala ni Ethan ay itutulak siya ni Zoe dahil sa kapangahasan niya. Lalo pa at sinabi na sa kaniya ng babae kung gaano nito kamahal ang pamilya. Pero nang dahil na rin sa sinabi nito kanina na hindi lang sila basta close sa isa't isa bago nawala ang ibang alaala niya, hindi na pinigilan ni Ethan ang sarili.
Pinagbigyan na niya ang isinisigaw ng kaniyang puso kahit hindi pa iyon malinaw sa kaniya.
He didn't remember her yet. Pero may bahagi ng kaniyang puso, no, ng kaniyang pagkatao pala ang bumubulong na walang mali sa ginagawa nila ni Zoe ngayon. Kahit pa nasa loob lang ng bahay, at sa kuwarto pa niya, ang pinakamamahal na nobya. Ano mang oras ay posible itong lumabas at makita sila.
At iyon ang pinakaayaw ni Ethan. Ang masaktan si Lala. Lahat nga ng mga babaeng nagpapa-cute
