Hindi mapakali at hindi magawang mag-enjoy ni Danica mula ng makapag-usap sila ng kababatang si Peter. Panay ang paglibot n'ya ng tingin sa kabuuan ng baybayin at nagbabaka-sakaling makikita si Christian subalit bigo pa rin s'ya. Mula ng mag-walk out ito kanina ay hindi pa n'ya muli ito nasisilayan kahit na halos lakarin na n'ya ang kahabaan ng aplaya para hanapin ito.
Naglaho ito na parang bula pero sigurado s'yang hindi pa ito umaalis dahil naka-park pa ang sasakyan nito sa parking area hindi kalayuan sa tabing-dagat. Na-check na n'ya rin ang cottage na inuukupa nila pero wala doon si Christian at parang hindi ito nagawi man lang doon. Napahinga s'ya ng malalim at muling sunuyod ng tingin ang kapaligiran ngunit hindi pa rin n'ya makita ang asawa. Saan yon nagpunta?
Lumipas ang mga ora
