Ramdam ko ang mainit at amoy alak na hininga sa may balat ng leeg ko na gumising sa akin. Mukhang mataas na ang sikat ng araw dahil nakasilip na ang liwanag sa siwang ng mga kurtina.
Maingat kong inalayo ang ulo ni Mishari mula sa akin. Tinanggal ko din ang isa niyang kamay na nakayakap sa may tiyan ko. Mahimbing pa itong natutulog hanggang ngayon. Nakadapa ito at makikita mo ang hubad niyang likuran at alam kong wala din itong suot na pang-ibaba sa ilalim ng kumot.
Nang mailayo ko na ang sarili ko kay Ari ay tumayo ako. Inayos ko ang t-shirt na suot ni Ari kagabi na nakasuot na sa akin ngayon. Pinulot ko din ang ibang suot namin kagabi na nakakalat sa sahig at inilagay sa laundry basket sa may banyo. Naghilamos na din ako ng mukha at naglinis ng katawan dahil hindi ko na nagawang maglin
