Pabalik-balik ako ng lakad sa loob ng kwarto habang nakatutok ang phone sa tenga. Hindi ako mapakali dahil at medyo kinakabahan na din. Alas nuebe na kasi ng gabi, ngunit hanggang ngayon ay wala pa din si Mishari dito sa bahay. Kanina ko pa siya tinatawagan ngunit walang sumasagot sa phone niya. Hindi ko alam kung ano na ang nangyari sa kanya o kung na saan na siya.
Hindi naman siya ginagabi ng uwi, eh. O kung gagabihin man siya, sigurado ipapaalam niya sa akin dahil alam niyang hihintayin namin siya. Nakatulog na nga ang mga anak niya sa kakahintay sa daddy nila, pero hanggang sa mga sandaling ito ay wala pa din siya.
Muli kong sinubukang tawagan ang numero niya ngunit wala pa ding sumasagot. Humugot ako ng isang malalim na hininga para mapakalma ang sarili. Lumakad ako tungo sa kama ku
