MADALING-araw na nang makauwi sila ni Clint mula sa Villa de Verandae. Sa pagod ay nakatulog siya sa biyahe. Kung hindi pa siya ginising ni Clint ay hindi pa niya malalamang nasa tapat na sila ng Chateau La amore.
"Elaine, gising na. We're home, baby."
Unti-unti siyang nagmulat ng antok na mga mata nang marinig ang bulong ni Clint at ang pagdapyo ng mainit na hininga nito sa kaniyang punong-tainga.
"Sorry to disturb you. Bubuhatin na lang kita papasok sa bahay. Sorry at napagod ka nang husto."
Ngumiti siya. "Kaya ko pang maglakad, Clint. At isa pa, kailangan mo nang umuwi at baka hanapin ka ni Jex."
"Nagpaalam ako bago umalis ng bahay kahapon at pumayag naman siya na gagabihin ako ng uwi dahil alam niyang kasama kita. My son likes you that much, baby. Kung ibang babae, siguradong
