ARNIE
Napangiti si Arnie nang maya-maya ay makitang tulog na si Tiffany. Gaya nang nakaugalian nito ay nakasukbit ang headset sa tainga at bahagyang naka-hilig sa upuan. Dahan-dahan ay inihinto niya ang sasakyan para maiayos ang kasintahan at makatulog ito ng maayos. Pagkatapos ay hindi niya napigil ang sarili na hindi ito titigan. Ang ilang hibla ng buhok nitong kumubli sa mga mata ay maingat niyang hinawi para matitigan niya itong mabuti. Hindi pa rin siya makapaniwala na ang babaeng pinapangarap lamang niya ay kasintahan na niya ngayon. Walang pagsidlan ang kaligayahang nararamdaman niya nang mga sandaling iyon. Ipinangako niya sa sarili na hindi nito mararamdaman sa piling niya ang sakit na naramdaman nito sa nagdaang relasyon sa piling ng asawa.
Nang araw ding iyon na hinatid niya
