SUMAPIT ang ika-isang taong kaarawan ng anak nilang si Tracey at gaya ng plinano nila ay isinabay iyon sa pabinyag nito. Ginanap ang reception sa resthouse nila sa Tagaytay, sa mismong lugar din kung saan sila ikinasal sunod na rin sa kagustuhan nilang mag-asawa. Lahat ng malalapit nilang kamag-anak at kaibigan ay dumalo sa napakahalagang okasyong iyon, bukod pa sa mga BFF niyang kinuha niyang ninong at ninang na lahat. Tuwang-tuwa ang mga ito dahil karangalan daw diumano para sa mga kaibigan niya ang maging ninang at ninong ng magandang anghel na kagaya ng anak niya.
"Welcome to the Christian world, baby Tracey na maganda!" bati ni Anna habang karga ang isang taon at apat na buwan ng si Ethan. Kunwa'y kinuha niya ang palad ng anak at nag-wave rito.
"Thank you, Tita Anna!"
"Pa-kiss n
