ALAS SINGKO na ng hapon, tahimik ang kapaligiran, payapa ang karagatan, at mahina lang ang simoy ng hangin na may dalang lamig. Pero ang tahimik na paligid ang nabubulabog dahil sa maingay na halakhakan ng dalawang magkasintahan na parang mga batang naghahabulan sa buhangin habang tawa nang tawa. Si Callum ang humahabol, at si Kristen naman ang tumatakbo para hindi maabutan, pareho silang basang-basa na dahil kakaahon lang mula sa dagat. Nasa beach resort muli sila dahil weekend at katatapos lang din ng kanilang final exam.
Habang naghahabulan-habulan ang dalawang magkasintahan, tahimik naman si Ralph mula sa labas ng bungalow house at nagkakape, nakatanaw lang sa masayang anak kasama ng kasintahan nito, at napapangiti na lang tuwing naririnig ang masayang halakhakan ng mga ito.
Nang sum
