Matapos nilang magyakapan at kumalma na ang emosyon ay naupo na sila sa living room. Hawak-hawak na ni Callum ang kamay ni Kristen habang titig na titig pa rin ito sa kaniya na para bang ayaw na siyang mawala pa sa paningin nito. Pero siya naman ay parang tulala na, dahil iniisip niya ang annulment result na bumungad sa kaniya kanina. Hindi pa rin siya makapaniwala, dahil parang ang bilis, hindi niya inaasahan.
“Love,” malambing na pagtawag sa kaniya ni Callum. “Alam mo bang sobrang takot ko nang malaman na nabaril ka at nakaratay sa ospital. Inalagaan kita habang comatose ka. Hindi lang muna ako nagpakita nang magising ka na dahil masama pa ang loob mo sa akin at baka lumala pa ang sitwasyon mo. Kaya mas pinili ko na lang magtiis at paalagaan ka muna kay Cadmus.”
Hindi siya sumagot at n
