“PANGALAN?” Walang ngiting tanong ng prison guard.
“Jamin Alejandro.”
“I.D. please.” Inilahad ng guwardiya ang palad.
Hinugot ni Jamin ang pitaka at mula roon ay kinuha ang identification card niya at ibinigay sa guwardiya. Matapos masuri iyon, may iniabot na maliit na tray basket sa kanya para ilagay ang lahat ng nasa bulsa o gamit na nasa katawan niya. Kinapkapan din siya bago pinayagang pumasok sa prison’s visitor room.
Naupo siya sa isang silya sa loob ng makipot na silid. Sa kanyang harapan ay isang malaki at matibay na plastic divider kung saan ay roon makikita at makakausap ang kanyang sinadyang bilanggo. At hindi pa man nag-iinit ang silyang kinauupuan ay nakita na niyang pumasok ang sadya.
Nagulat pa ang matandang Don nang
