"Be yourself Annika. Hindi mo kailangang magpanggap na ibang tao. Hindi mo kailangang kumilos ng pino katulad ni Olivia. Mag natural ka lang, para matanggap ka ng mga magulang ni Garreth," bulong niya sa sarili habang nagbibihis na.
Pinili niyang isuot ang puting bestida na simple lang pero bagay na bagay naman sa kanya. Matapos makapagbihis pangiti-ngiti siya sa salamin. Naglagay siya ng kaunting foundation sa mukha para lang mag light ang mukha niya, at sinuklay na ang mahabang buhok. Wala na siyang kung anu-ano pang make up na nilagay sa mukha niya. Natural at simple lang siya dapat. Alam naman niyang maganda siya, hindi nga lang kasing ganda ni Olivia.
"Stop it, Annika!" Sita niya sa sarili. Ilang beses na ba siyang sinabihan ni Garreth na huwag niyang ikumpara ang sarili kay Olivi
