Matulin na lumipas pa ang mga araw. Ang pananatili ni Bettina sa bahay ng mga Olvidares ay hindi naging kainip-inip para sa kanya. Lagi na ay abala ang kanyang sarili sa pag-aaral ng leksyon. Dahil sa si Vincent Olvidares na ang nagpapaaral sa kanya ay nais niyang pag-igihan ang kanyang pag-aaral. Nais niyang suklian ito sa pamamagitan ng kanyang magagandang marka.
Sa tuwing wala namang pasok sa paaralan ay katulong siya ng kanyang Lola Corazon sa mga gawaing-bahay. Everything was fine. Panandalian niya rin nakalimutan ang tungkol sa hindi nila pagkakaunawaan ng kanyang Tatay Reynaldo.
Hanggang sa isang gabi ay bigla na lamang dumating si Vincent na dala-dala ang isang duguang babae. Ayon pa sa binatang amo ay natagpuan nito ang dalaga sa kubo sa may manggahan. Doon ay nakilala nila si Y
