CHAPTER 30
HINDI maipinta ang mukha ni Sean ng pumunta sa isa sa mga project site na hawak niya. Pansin na agad ng mga trabahador na hindi maganda ang kanyang mood kaya naman nangingilag na ang mga ito liban kay Gelo at Chrissa. Sanay na ang mga ito sa kanya at imbis na mangilag ay nakangiti pa ang dalawa na lumapit sa kanya.
“Not today, guys.” Mabilis niyang sabi sa mga ito. May kahalo iyon na babala para naman hindi na ituloy pa ang pang-aasar.
“Masama ang gising ni Boss.” Matalim niya itong tiningnan at nang magtaas ito ng dalawang kamay ay muli niyang pinaling ang atensyon sa cellphone.
Kausap niya sa text si Sheena at kanina pa sila nagtatalo nito tungkol sa ilang bagay na may kinalalaman sa tiyahin niya. Simula ng maging ayos sila nang nagdaang lingo, ang buong akala
