SHANE
Ala-singko na ng hapon ngunit naririto pa rin kami sa laboratory na pagmamay-ari ni Finn. Nakaupo lamang kami ni Dylan sa malamig na bench, naghihintay kung kailan kami pahihintulutan ng mga Doktor na makapasok. Kanina pa labas-masok ang mga tauhan, kumakaripas sila ng takbo at napansin ko na naghahakot sila ng iba pang Doktor na labis na hindi nagpatahimik sa aking kaluluwa.
Mugto ang aking mga mata, magkahalong pagkasabik at takot ang lumalamon sa aking sistema. Gusto ko nang malaman ang resulta at kung ano na ang kalagayan ng anak ko but at the same time, ayaw ko pa...
Natatakot ako na baka sabihin nila na nasa masamang kondisyon pa rin si Amira, na delikado ang buhay niya and worst na wag naman sanang mangyari...
Ay 'yong sabihin ng Doktor na hindi na kayang lumaban ng anak k
