At ang mga araw ay naging linggo, naging buwan at taon. Ang hindi kagandahang simula ay nagwakas na, tangan-tangan na nila ay magagandang ala-ala. Nagkaroon na ng bagong myembro sa pamilya nina Amira at Phobos. Si Zion ang siyang panganay at sumunod ang mala-anghel na bunso nilang si Zchakaina.
Sina Crik at Hayashi ay biniyayaan ng anak na babae na pinangalanan nilang Hanz Mauriel. Ang mag-asawang Rose at Deimos ay binigyan ng lalaki, pinangalanan naman nila iyong Marion.
Tinupad nila ang kanilang mga pangako, ang sinumpaan nila sa harap ng Diyos ay hindi napako. At kailanman, kahit ilang taon pa ang lumipas, mananatiling matatag ang kanilang samahan.
AMIRA
"Zion! Zchak! Nandito na sina Hanz at Marion. Batiin niyo na 'yong mga kalaro niyo," tawag ko dalawa kong anak. Kaarawan ngayon ng
