Point of view
- Emma Addison -
Mabilis na lumipas ang maraming araw. Nang maging maayos ang lahat pati na rin ang kondisyon ng aking anak, binigay na rin sa amin ng doktor ang isang magandang balita, na maaari na rin naming ilabas sa ospital ang anak naming si Mira.
Binalot ng kasiyahan ang puso namin ni Joseph, lalo na nang mahawakan namin sa wakas si Mira sa aming bisig. Inuwi namin siya sa bahay at doon siya inalagaan, tinutukan namin siya ng pag-aalaga kasabay ng paggabay namin kay Cyrus.
Sa paglipas ng ilang buwan, muli ring gumaling si Cyrus mula sa kanyang trauma. Pinili naming huwag nang pag-usapan pa ang lahat ng nangyari sa nakaraan upang hindi na niya ito muling maalala pa.
Sa tulong ng mga pulis, patuloy pa rin naming pinapahanap ang kriminal na si Lance at sana ay mahuli
