Point of view
- Emma Addison -
Isang kandila ang aking sinindihan gamit ang isang lighter. Sa pagliyab ng kandila na nasa loob ng isang babasaging baso, marahan ko itong binaba at pinatong sa isang puntod ng taong naging parte ng buhay ko.
Marahan akong umupo sa puntod na iyon habang pinagmamasdan ang paggalaw ng apoy na nasa kandila dahil sa hangin na dumadampi sa aking paligid.
Alam kong naging mabigat ang naging suliranin naming dalawa, alam kong siya ang naging ugat ng lahat ng aming problema, ngunit kahit na gano'n ang naging resulta ng lahat ng pagsubok, sinubukan ko pa rin siyang patawarin.
Ilang araw na rin ang lumipas simula nang ikaw ay mawala. Daladala ko pa rin ang mga luha at pasakit sa aking puso na dulot ng iyong ginawa, pero ngayong wala ka na, hindi ko alam kung dapat
