Chapter 44
3rd Person's POV;
Bumukas ang pinto ni Silas. Mula sa pagkakaupo ni Silas sa sulok nag-angat ng tingin ang binata.
"Percimon? Percival? Sabi ko sa inyo kumain na kayo sa ibaba," mababa ang boses na sambit ni Silas.
"Silas, nanaginip ka ba palagi ng masama? May problema ba? Bakit hindi ka nagsasabi kay papa?" tanong ni Wise sa anak.
Lumuhod sa harap ni Silas si Wise at hinaplos ang pisngi ng anak.
"Papa, ayos lang naman ako. Huwag na po kayo mag-alala," sagot ni Silas. Lumambot ang expression ni Silas matapos siya yakapin ng ama.
"Kung may problema ka anak. Magsasabi ka kay papa. Kung ayaw mo mag-isa dito sa room ka namin matulog."
"Papa hindi na ako bata," mababa ang boses na sambit ni Silas na kinatawa ni Wise.
"Baby pa din namin kayo. Hindi 'yon magbabago kah
