"CAN we go outside?" tanong sa kaniya ni Lucio habang naghahanda siya ng kanilang breakfast.
"Ngayon na ba?" balik-tanong niya at mabilis na nagpunas ng kamay sa suot niyang apron.
"Not now..." Nagkamot pa ito ng ulo na tila nahihiya sa kaniya. "Gusto kong sumama ka sa akin... mag-date tayo," mabagal na sabi nito na may pag-aalinlangan.
"Ah... date," nangislap naman ang kaniyang mga mata. "Kinikilig naman ako. Saan naman ako dadalhin ng guwapo kong asawa?" Nilapitan niya ito sa inuupuan nitong silya.
"I won't tell you."
"Sige na nga. Hindi pa naman ako nakakapaglibot dito sa Taipei mula noong magtrabaho ako rito. Naging tutok ako sa iyo at sa anak natin kaya hindi na ako nakapamasyal," sabi niya habang inaayos ang mga plato nila sa lamesa.
"Paano nga pala si Xingxing? Isasama ba nati
