HINDI na maalis sa mga labi ni Storm ang kaniyang ngiti. Pakiramdam niya lahat ng mga nakikita niya korteng puso na.
Nasa hacienda siya ngayon at kasama siya ni Cold sa kanilang manggahan. Maganda ang mga ani at umabot ng dalawang daan na tiklis ang kanilang naani na Carabao Mango at Pico Mango. Naani na rin ang mga tanim na kamote, mais at mani. Tama nga si Cold na mas maganda na agriculture business ang sinimulan nila.
"Kasing tamis ba nitong mga mangga na ipinahiwalay mo kay Manong Berto ang tamis ng mga labi ni Jeni?" pang-iinis ni Cold sa kaniya.
Hinagisan niya ito ng bimpo. "Gusto kong matikman ni Jeni ang mga labi ko este ang ani natin. Maraming mga ani, kung maibebenta lahat ng mga ito mabibigyan din natin Ng karadagan na kita ang mga trabahador natin. Naisip ko na imbitahin nat
