Baka Sakali
Season 2
AiTenshi
Part 47
Alas 9:30 ng gabi, huminto ako sa waiting shed sa tabi ng bahay nila Stephen. Medyo madilim rito ngunit nag pasya pa rin akong maupo upang abangan ang kanyang pag dating. Halos hindi ko mapigil ang aking emosyon habang naka talungko yakap ang aking tuhod.
Ito na ba yung sinasabing hindi magandang bagay na darating sa akin? O baka naman nag kataon lamang ang lahat. Gayon pa man ay hindi ko maiwasang mapaluha habang binabalot ng matinding kaba ang aking dibdib. Tila sasabog ang aking dibdib dahil sa kakaibang sakit nito, dinudurog at tila sinisibat ng kung anong matulis na bagay.
Umiihip ang malamig na hanging noong mga sandaling iyon, nakakalungkot at sinamahan pa ito ng nag iisang ilaw sa poste na malamlam katulad ng aking nararamdaman. Idinukdo
