Humahangos na tumakbo pabalik ng bahay nila si Anton. Punong-puno ng pawis ang buong mukha nito at namumutla. Mabilis na pumasok ang bata sa bahay at hinanap ang kan’yang lolo at lola. Nag-alala siya para sa ate ganda niya. Kahit na hindi pinapansin ng babae ang bata sa tuwing lumalapit ito ay natuto nang pahalagahan nito ang babae.
“Nanay! Tatay! Si ate po nalulunod! Nakita ko po siyang lumusong sa dagat at parang wala sa sarili, hindi niya po ako pinapansin no’ng tawagin ko po siya!” Natatarantang saad nito. Halos hindi na ito makapagsalita dahil pinangapusan na ng hininga.
“Diyos kong mahabagin! Tawagin mo ang kuya JD mo. Dalian mo!” Utos nito sa apo.
Nagmamadaling kumaripas ng takbo si mang Danny papuntang dalampasigan, nakasunod naman ang asawa nitong si aling Ida. M
