Napalunok si aling Senia nang makita kung sino ang naghahanap sa kan’ya. Hindi niya kilala ang lalaki pero tingin niya ay nakita na niya ito noon, hindi niya lang matandaan kung saan. Kinabahan ang matanda nang sabihin ng lalaking kaharap kung ano ang pakay nito sa kan’ya.
Nakaupo sila sa mumurahin at lumang sofa sa sala ng bahay. Napaka-dominante nitong tingnan, halatang may kaya ito sa buhay. Hindi nababagay ang itsura nito sa loob ng gano’ng klaseng bahay.
Sa totoo ay nahihiya ang matanda dahil napakaluma na ng bahay niya at alam niyang may amoy iyon. Magkahalong amoy ng daga at nabubulok na kahoy.
Hinahanap nito si Gigi o mas kilalang Lena sa lugar na iyon. Iyon ang pakilalang pangalan ng babae sa bagong tirahan.
“Iyon na nga ang inaalala ko, ser. Dalawang araw n
