NAKAISIP din ng recipe si Elise na naibase rin niya sa research. Hindi na siya nakialam sa kusina dahil naroon si Damaon at pinapanood si Terrence habang nagluluto. Naglinis na lamang siya ng guest room doon sa ground floor. Pinalitan niya lahat ng sapin sa kama, maging kurtina. Si Sister Feliz ang gumagamit ng kuwartong iyon sa tuwing naroon.
Nagpakaabala siya sa paglilinis para hindi makasabay sa hapunan ang magpinsan, kaso tinawag pa rin siya ni Terrence. Tatanggi pa sana siya.
“You should eat, lady,” sabi ni Damaon.
Hindi na siya kumontra at umupo sa silya na medyo malayo kay Damaon. Good for six person naman ang lamesa kaya nakabukod siya sa dalawang lalaki na magkaharap. May isang dipa naman ang agwat niya kay Terrence pero kahanay niya ito sa kabilang side ng lamesa.
Nakikin
