ISANG araw bago ang flight ni Terrence papuntang Spain ay inayos na ni Elise ang gamit na dadalhin nito. Tatlong araw lang umano maglalagi sa Spain si Terrence. Inasikaso na nito ang kailangan sa opisina at nagtawag ng meeting sa mga opisyales.
Kinagabihan ay sinundo siya ni Terrence sa opisina. Nakapagluto na umano ito ng hapunan. May tinatapos pa siyang payroll para sa half-month salary. Ibibigay na umano ni Terrence ang pasahod bago ito aalis.
“Hindi pa ba ‘yan tapos?” naiinip nitong tanong.
“Okay na.” Nai-print niya ang payroll ay binigay kay Terrence.
“Nakapag-withdraw na ako ng cash kanina para sa pasahod. Iiwan ko na sa ‘yo ang pera para ikaw na ang magbigay sa accounting bukas ng umaga,” anito.
“Sige.” Nagligpit na siya ng gamit.
“Let’s go!” paanyaya nito.
Sumunod naman siya
