HINDI pa rin matanggap ng sistema ni Elise ang pinagsasabi ni Grace. Wala tala siyang maalala. Tanging alam niya sa huling pangyayari ay naglasing siya sa gabi ng reunion ng mga Del Velle sa Clark. Noong nagpasya siyang pasukin sa kuwarto nito si Thrasius at ibigay ang kaniyang pagkab*b*e.
Paanong napunta siya sa kapatid ni Thrasius? Hindi naman niya ito kilala.
“Imposible ang sinasabi mo, Grace,” giit niya.
Napabuntonghininga si Grace. “Hay! Huwag na nga nating pilitin. Pero maniwala ka sa hindi, boyfriend mo si Terrence at siya ang tatay ng dinadala mo,” ani Grace.
Lalo siyang nagimbal at naging uneasy. Sinipat niya ang lalaking kausap ni Thrasius. Magkahawig ang mga ito pero hindi talaga niya maalala si Terrence. Wala siyang ibang gustong lalaki kundi si Thrasius. Pero noong hul
