HINDI pumayag si Elise na tulungan siya ni Terrence sa pagluluto ng hapunan. Maagang dumating sina Seth at Ashley kaya may katuwang siya sa pagluluto. Late nang nalaman ng mga-asawa na na-ospital si Terrence dahil umalis ang mga ito at nagpuntang Subic Bay.
“Ano ba ang nangyari kay Terrence?” tanong ni Ashley.
“Nag-away sila ni Thrasius,” aniya. Hinango na niya ang nalutong ulam.
“Gosh! Naulit na naman ang matinding away nila last year. I thought they were okay since nag-uusap naman sila.”
Nilamon na naman siya ng guilt. Umaasa siya na susunod si Thrasius sa sinabi niya. Hindi niya masabi kay Ashley na siya ang dahilan ng away ng magkapatid.
“Puwede na ba tayong kumain? Nagugutom na ako,” apela ni Terrence.
Pumasok na ito sa kusina at nakialam sa nalutong pagkain.
“Dalhin mo
